كتاب الأمتحان كيمياء الصف الثاني الثانوى 2024

تكلفة إستخراج رخصه سياره 1600 لعام 2021 (تجربه شخصية)

اليوم الأربعاء الموافق   28 / 7 / 2021 قمت أنا المواطن خالد بالذهاب إلى مرور الأميرية لأستخراج رخصة لسيارتى (رينو لوجان موديل 2016) وما ساقوله لحضرات هى خطوات الحصول على الرخصه من الألف إلى الياء بحيث يكون عنددك فكره قبل ما تذهب إلى المرور لأستخراج رخصة عربيتى والخطوات واحده لأى نوع سياره لكن الأختلاف فى المصاريف وسوف أحاول أن أعطيك خطوات مرتبه توفر عليك الوقت والجهد نبدأ باسم الله

الخطوات

الخطوه الأولى الذهاب لمكتب المرور الخاص بك وأنت مصور البطاقة ورخصة البطاقة نسختين حتى لا تتعرض للأستغلال من أصحاب مكاتب تصوير المستندات حيث أن تصوير البطاقة ( 2 جنيه ونص) على أقل تقدير

الخطوه الثانية أحضار شهادة المخالفات من النيابه

الخطو الثالثة قبل مانذهب لمكان الفحص نشترى ورق الفحص من مكتب المرور خصوصا إذا كان مكان الفحص بعيد عن مكتب المرور كما هو الحال فى مرور الأميرية ثم الذهاب لمكان الفحص ليقوم الميكانيكى بأخذ رقم الموتور والشاسيه على ورقة الفحص وإذا كانت السياره سليمه(جديده)  ماتعبرش حد منهم بأى أكراميه أما إذا كانت فيها شئ مثل خبطة عتبه أو فانوس مكسور أو أى حاجه من الحاجات اللى بنعتبرها تافهه يبقى لازم تظبطهم

الخطوه الرابعة الطفاية لو طفايتك جديده فأن مسئول عن الطفايات سوف يقوم بختم ورق الطفايه أما إذا كانت منتهيه سوف تشترى طفايه جديده

الخطوه الخامسه هتدفع رسوم أمان ودى أجبارى وهتعرف كام فى نهاية المقال وكمان هتشترى شنطه وحافظه كل ده فى مكان الفحص

الخطوه السادسه نذهب لمكتب المرور عند موظف الشباك الذى يظل يقلب فى الورق وينظر إليك (كإنه بيلاغيك ) لغاية ما تظبط الأكرامية فيأخذ منك الملف ثم يعطيك ورقه عليها رقم للذهاب للخزنه لسداد الضريبه

الخطوه السابعه الذهب للخزنه لسداد الضريبة ثم العوده لنفس الموظف الذى قمت بتسليم الملف له وأعطائه الورق الذى أحضرته من الخزنه ثم بعد ذلك تذهب للانتظار لأستلام الرخصه

هاااااام جدا

يفضل يكون معاك واحد صاحبك أو أخوك بحيث هو يعمل شهادة المخالفات وأنت تعمل الفحص , هو يقف فى طابور الخزنة وأنت بتخلص الملف عند الموظف إختصارا للوقت

اما بالنسبة للمصاريف بالتفصيل الممل  كالتالى

1- 40 جنيه ورق فحص

2-  760 جنيه أمان

3- 225 جنيه شنطه تحتوى على (ستره عاكسه ومثلث وحاجات كده)

4- 300 جنيه حافظه وملف وما تسألش ليه

5- 50 جنيه أكرامية مهندس الفحص

6 - 350 جنيه طفايه (لو الطفايه بتاعتك شغاله يبقى مش هتدفعها )

7 - ؟؟؟؟؟؟؟ المخالفات حسب العربية وربنا يسترها معانا ومعاكم

8 - 315 جنيه تأمين أجبارى ثلاثة سنوات (يختلف حسب عدد السنوات)

9- إكرامية موظف الشباك ما تزودش عن 20 جنيه

10 - (3490 جنيه) الضريبه عن ثلاثة سنوات وتختلف حسب عدد السنين

هاااام

هناك مصاريف أساسيه لا تختلف بأختلاف عدد سنوات الرخصه وهى (760 جنيه أمان + 225 جنيه الشنطه بتاتعت المثلث والستره العاكسه + 300 جنيه الحافظه والملف + 350 جنيه الطفايه + الأكراميات )

هذا هو ملخص ليوم كامل فى المرور انتهى بالحصول على الرخصه والحمد لله وربنا يوفق الجميع

والسلام عليكم ورحمة الله وبركاته

***********************

***********************